پشاور: خیبرپختونخوا اسمبلی کا اجلاس شروع ہونے سے قبل پاکستان تحریک انصاف (پی ٹی آئی) کے کارکنوں نے مبینہ طور پر مسلم لیگ (ن) کی خاتون رکن صوبیہ شاہد پر جوتا اور لوٹا پھینکا۔

نومنتخب ارکان کی حلف برداری کے لیے بلایا گیا خیبرپختونخوا اسمبلی کا اجلاس پاکستان تحریک انصاف (پی ٹی آئی) کے اراکین اسمبلی کے ہنگامہ آرائی کے باعث مؤخر کر دیا گیا۔

اجلاس صبح 11 بجے شروع ہونا تھا تاہم یہ تقریباً ساڑھے 12 بجے شروع ہوا کیونکہ پاکستان تحریک انصاف (پی ٹی آئی) کے متعدد کارکنوں نے فلور پر دھاوا بول دیا جس کے باعث اراکین اسمبلی کو اسمبلی ہال میں داخل ہونے میں دشواری کا سامنا کرنا پڑا۔

پی ٹی آئی کے کارکنوں نے وزیٹرز گیلری سے مسلم لیگ ن کی رکن اسمبلی صوبیہ شاہد پر لوٹا اور جوتا پھینکا۔ انہوں نے اپوزیشن کی خاتون رکن اسمبلی کے خلاف بھی نعرے بازی کی۔